Charter Document - 03240102
| Charter Number: | 03240102 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Noverit universitas vestra nos divini amoris intuitu et religionis favore concessisse et presentis scripti testimonio confirmasse dilectis nobis in Cristo priori et conventui sancti Neoti quinque marcas annuas nomine perpetui beneficii de ecclesia de Heveningham nostre diocesis post decessum vel recessum Nicholai clerici rectoris eiusdem singulis annis ad duas sinodos Suffolk percipiendas Ecclesias de Crattefeld et de Obeston sibi a predecessoribus nostris in proprios usus concessas eis auctoritate eadem confirmamus salvis vicariis in predictis ecclesiis quas per dilectum nostrum in Cristo magistrum Robertum de Biln[eia] archidiaconum Norfolk taxari fecimus ad quas cum vacare contigerint nobis idoneas personas presentabunt salvis etiam in omnibus nobis et successoribus nostris obedientia et reverentia et sacrosancte Norwicensis ecclesie consuetudinibus debitis et consuetis In cuius rei testimonium presentes litteras fieri fecimus et sigillo nostro muniri Dat apud Torp iii idus Septembris pontificatus nostri anno iii