Charter Document - 03240093
| Charter Number: | 03240093 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Thomas Dei gratia Norwicensis episcopus salutem in Domino Ad universorum volumus pervenire notitiam nos Dei intuitu et favore religionis concessisse dedisse et hac [presenti] carta nostra confirmasse dilectis in Cristo filiis priori et monachis Norwicensibus ecclesiam de Wrthstede in qua ius patronatus habere dinoscuntur cum capella sancti Andree et omnibus ad ipsam spectantibus in proprios usus perpetuo possidendam Nos itaque post decessum Iohannis quondam rectoris dicte ecclesie ad resignationem Ade clerici de Wurthstede memoratos priorem et monachos in possessionem eiusdem ecclesie induximus et pacifica fecimus possessione gaudere Hanc itaque ecclesiam memoratis priori et monachis confirmamus salvo nobis et successoribus nostris inperpetuum iure pontificali et parochiali Testibus magistris Roberto et Alano archidiaconis magistro Alexandro de Walepol Dionisio de Catton et Iohanne Terri clericis Dat apud Norwicum anno Domini millesimo CCXXXV pontificatus nostri anno nono