Charter Document - 03240086
Charter Number: | 03240086 |
---|---|
Cartulary Title: | Norwich 1215-1243 Volume 21 |
Charter Language: | Latin |
Charter Origin: | Religious |
Charter Type(s): | Grant |
Date: | 1227 |
Date type: | Internal, Calendar, Episcopal |
Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Cum quanto a possumus vigilantie studio virorum religiosorum profectibus intendere constringimur et eorum desideria que ratione non discrepant quantum secundum Deum possumus et iustitiam effectu prosequente exaudire et adimplere eapropter ad universorum notitiam volumus pervenire nos dilectis in Cristo priori et monachis Norwicensibus qui in religione fervidi et operibus caritatis dinoscuntur esse devoti ecclesiam de Wrthested cum omnibus pertinentis suis post decessum domini Iohannis de Wrthsted et Ade de Wrthsted qui nunc prefatam optinent ecclesiam imperpetuum in proprios usus possidendam concessisse salva honesta sustentatione vicarii perpetui qui in prefata ecclesia pro tempore ministrabit salvis in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presentes litteras fieri fecimus et sigillo nostro muniri Dat apud Norwicum undecimo kalendas Aprilis pontificatus nostri anno primo