Charter Document - 03240084

Charter Document - 03240084


Charter Number: 03240084
Cartulary Title: Norwich 1215-1243 Volume 21
Charter Language: Latin
Charter Origin: Religious
Charter Type(s): Inspeximus
Date: 1226 - 1236
Date type: Assigned
Resource Link(s):

Charter:

Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Noverit universitas vestra nos inspexisse cartam bone memorie Iohannis quondam Norwicensis episcopi secundi predecessoris nostri per quam dilectis filiis priori et monachis Norwicensibus concessit et confirmavit omnes decimas suas ab ecclesiis parochialibus sequestratas tam de dominicis maneriis episcopalibus quam de aliis ad comodum ecclesie sue libere disponendas Nos autem ipsius vestigiis inherentes et necessitatibus pauperum paterno affectu compatientes omnes decimas ad elemosinam dictorum monachorum pertinentes per Norwicensem dyocesim auctoritate nostra eis confirmamus quas etiam nominatim exprimere ad maiorem pauperum securitatem dignum duximus videlicet duas partes decime garbarum in villa de Wangeford de dominico Roberti filii Thomae duas etiam partes omnium decimarum tam maiorum quam minutarum de dominico memorati Roberti in villa de Ravenigham et in villa de Chategrave et duas partes tam maiorum quam minutarum decimarum de dominico Philippi de Chategrave in eadem villa similiter duas partes decime garbarum de dominico Hervei de Stanho in villa de Northcreik et duas partes decime garbarum de dominico Willelmi de Munteny in villa de Sprouston Memoratas igitur decimas dilectis filiis priori et monachis Norwicensibus ad opus elemosinarie sue confirmantes presens scriptum in testimonio sigillo nostro duximus muniendum Testibus []