Charter Document - 03240079
| Charter Number: | 03240079 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 - 1236 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Noverit universitas vestra nos concessisse et presenti carta confirmasse dilectis filiis priori et monachis Norwicensibus omnes decimas subscriptas ad opus elemosinarie sue quarum possessione a multis retroactis temporibus gavisi fuisse dinoscuntur videlicet duas partes decimarum in villa de Wangeford de dominico Roberti filii Thome duas etiam partes maiorum et minorum decimarum de dominico ipsius Roberti in villa de Ravenigham et in villa de Chategrave et duas partes maiorum et minutarum decimarum de dominico Philippi de Chategrave in eadem villa similiter duas partes decime garbarum de dominico Hervei de Stanho in villa Northcreik et duas partes decime garbarum de dominico Willelmi de Munteni in villa de Sprouston duas etiam partes decimarum de dominico prioris et conventus Norwicensis in villa de Catton et omnes decimas de horreis ipsorum extra Norwicum et de exitibus gardini sui provenientes Memoratas igitur decimas ad opus elemosinarie Norwicensis confirmantes presens scriptum in testimonium sigillo nostro duximus muniendum Testibus []