Charter Document - 03240072
| Charter Number: | 03240072 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Cum nobilis mulier Nesta de Kokefeud domina de Leleseye tempore viduitatis sue terras redditus possessiones et ecclesiam matricem et parochialem de Keresey cum advocatione eiusdem divine amoris intuitu hospitali scilicet de Kerseye dederit et assignaverit ad omnium volumus pervenire notitiam nos dictarum terrarum reddituum possessionum et ecclesie predicte concessionem donationem et assignationem ratam habentes et acceptam ipsam presentis scripti testimonio et sigilli nostri appositione duximus confirmandam et coroborandam prefatam ecclesiam de Kereseye cum omnibus ad ipsam pertinentibus ad sustentationem canonicorum ibidem Deo servientium et ad sustentationem egrorum et pauperum ibidem confluentium in proprios usus dictis canonicis concedentes et presenti carta nostra confirmantes salvis in omnibus reverentia et obedientia [nobis] et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presentes literas fieri fecimus et sigillo nostro muniri Dat apud Norwycum xi kalendas Iunii pontificatus nostri anno secundo