Charter Document - 03240069
| Charter Number: | 03240069 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1235 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa et religionis favore et de voluntate et consensu Alexandri persone et ad presentationem domine Agnetis de Cretingeham a vere ut dicitur patrone ecclesie de Cretingeham concessisse et presenti carta confirmasse dilectis nobis in Cristo priori et canonicis sancti Petri de Gypewic predictam ecclesiam de Cretingeham cum pertinentis habendam et tenendam et in proprios usus perpetuo possidendam post decessum dicti Alexandri persone percipiendo de dicta ecclesia temporibus predicti Alexandri sex marcas annuas nomine pensionis salvis dicto Alexandro quoad vixerit residuis portionibus ecclesie memorate salva etiam post decessum dicti Alexandri vicaria competenti secundum facultates ecclesie taxanda per nos vel successores nostros salvis etiam in omnibus reverentia et obedientia nobis et successoribus nostris et sancte Norwicensis ecclesie consuetudinibus debitis vel consuetis In cuius rei testimonium presentes litteras fieri fecimus et sigillo nostro muniri Dat apud Pleyford sexto decimo die Septembris pontificatus nostri anno nono presentibus priore sancte Trinitatis de Gypewic magistro Alexandro de Walepol Iohanne Terry Adam de Elmham et aliis