Charter Document - 03240065
| Charter Number: | 03240065 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1226 - 1236 |
| Date type: | Assigned |
| Resource Link(s): |
|
Charter:
Venerabilibus viris et amicis in Cristo karissimis priori et decano Roffensibus Thomas Dei gratia Norwicensis episcopus salutem in Domino Audivimus quod N Pincerna clericus cui custodiam tantum ecclesie de Swanton nostre diocesis commisimus dilectos filios in Cristo abbatem et conventum sancti Benedicti de Hulmo super duabus garbis decimarum de dominico eorum in predicta villa de Swanton sub appellatione rectoris dicte ecclesie per litteras apostolicas coram vobis nititur fatigare et ne ad ipsius suggestionem vestra possit discretio in iudicando circumveniri presentibus vobis duximus significandum quod decime duarum garbarum de eorum dominico petitarum ad eorum monasterium ab antiquo spectaverunt Valete