Charter Document - 03240061
| Charter Number: | 03240061 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1229 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Inspeximus cartas bone memorie Iohannis primi et Iohannis secundi predecessorum nostrorum abbati et conventui de Haghmon concessas inter cetera continentes quod dicti predecessores nostri Deo intuitu et religionis favore concesserunt et confirmaverunt dictis abbati et conventui de Haghmon ecclesiam de Hunstanton nostre dioecesis in proprios usus perpetuo possidendam salva honesta et competenti sustentatione vicarii in dicta ecclesia pro tempore ministraturi Nos autem dictorum predecessorum factum in hac parte gratum habentes et acceptum prefatam ecclesiam de Hunstanton dictis abbati et conventui confirmamus salva honesta et competenti vicaria xv marcarum per dilectum et fidelem nostrum officialem archidiaconum Norfolch de precepto nostro taxata ad opus vicarii perpetui in dicta vicaria pro tempore ministraturi ad quam vicariam quotiens vacari contigerit dicti abbas et conventus de Haghmon personam quamcumque voluerimus nobis et successoribus nostris sine difficultate aliqua ac alicuius pravitatis et contradictionis obstaculo presentabunt quod si post commonitionem eis a nobis faciendam personam a nobis et successoribus nostris nominandam presentare distulerint nos et successores nostri ipsis irrequisitus quemcumque voluerimus vicarium in eadem instituemus Predictam autem collationem et ordinationem dicte vicarie de consensu et voluntate dictorum abbatis et conventus de Haghmon nobis et successoribus nostris reservavimus salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presentes literas fieri fecimus et sigillo nostro muniri Dat apud Blafeld manerium nostrum septimo kalendas Iunii pontificatus nostri anno tertio