Charter Document - 03240053
| Charter Number: | 03240053 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 - 1228 |
| Date type: | Assigned |
| Resource Link(s): |
|
Charter:
Thomas Dei gratia Norwicensis episcopus viris venerabilibus domino priori et conventui Elyensis ecclesie salutem in Domino sempiternam Noveritis nos ad instantiam venerabilis fratris et cognati nostri domini G Elyensis episcopi concessisse vobis mera voluntate et pietatis intuitu ut cum ecclesia de Ressemere dilectis filiis nostris priori et canonicis sancte Trinitatis de Gypewyco in proprios usus cesserit iidem canonici solvant vobis imperpetuum singulis annis viginti solidos argenti nomine beneficii Et in huius rei testimonium has litteras vobis mittimus patentes Valete semper in Domino