Charter Document - 03240052
| Charter Number: | 03240052 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos causa Dei et religionis favore concessisse ac canonice contulisse et presenti carta nostra confirmasse dilectis in Cristo filiis priori et conventui de Cok ecclesiam de Houton cum omnibus pertinentis suis in proprios usus habendam et perpetuo possidendam post decessum vel recessum magistri Iohannis de Houton archidiaconi Bedeford qui eandem ecclesiam optinere dinoscitur salva vicaria centum solidorum persone ydonee a nobis et successoribus nostris pro tempore nominande et ab eis nobis et successoribus nostris presentande per nos et successores nostros pro tempore conferenda qui in prefata pro tempore ministrabit ecclesia salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presentes litteras fieri fecimus et sigillo nostro muniri Dat apud Bedingham decimo kalendas Aprilis pontificatus nostri anno primo