Charter Document - 03240048
| Charter Number: | 03240048 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1235 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Inspeximus cartas Iohannis primi et Iohannis secundi predecessorum nostrorum continentes ipsos pietatis intuitu et religionis favore canonice concessisse et confirmasse dilectis in Domino filiis priori et monachis de Castelacra ecclesiam de Melewde cum omnibus ad ipsam pertinentibus in usus proprios inperpetuum possidendam post decessum vel recessum magistri Thome persone ecclesie de Melewde salva honesta et competenti vicaria ad opus vicarii perpetui in eadem ecclesia pro tempore ministraturi Nos autem factum predecessorum nostrorum in hac parte ratum habentes et acceptum dictam ecclesiam de Melewde post decessum vel recessum I Vercellensis persone ecclesie memorate dictis priori et monachis de Castellacra quantum in nobis est auctoritate episcopali concedimus et confirmamus in usus proprios perpetuo possidendam salva in eadem vicaria memorata salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presenti scripto sigillum nostrum apponi fecimus Dat apud Gaywd die sancti Petri ad Vincula pontificatus nostri anno nono