Charter Document - 03240045
| Charter Number: | 03240045 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1228 |
| Date type: | Internal, Calendar, Episcopal |
| Resource Link(s): |
|
Charter:
Universis presens scriptum inspecturis Thomas Dei gratia Norwicensis episcopus salutem in Domino Ad universorum notitiam volumus pervenire nos ad presentationem dilectorum in Cristo filiorum prioris et monachorum de Aera Dei causa admisisse Iohannem de Pagrave clericum ad vicariam ecclesie sancte Marie Magdalene de Wigehale et ipsum vicarium in dicta ecclesia instituisse que quidem vicaria ad mandatum nostrum per dilectum filium magistrum R[obertum] de Biln taxata est ita videlicet ut pro tempore vicarius habeat totum alteragium cum omnibus decimis minutis et decimis leguminum et medietatem decime feni Cetera vero omnia cedant in usus predictorum prioris et monachorum de Aera Volumus etiam ut pro tempore vicarius sustineat omnia predicte ecclesie onera ordinaria debita et consueta salva etiam nobis et successoribus nostris reverentia et obedientia et sancte Norwicensis ecclesie consuetudinibus debitis et consuetis In huius autem rei testimonium presenti scripto sigillum nostrum apposuimus Dat apud Elmham xv kalendas Ianuarii pontificatus nostri anno secundo