Charter Document - 03240044
| Charter Number: | 03240044 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1228 |
| Date type: | Internal, Calendar, Episcopal |
| Resource Link(s): |
|
Charter:
Universis presens scriptum inspecturis Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa ac religionis favore concessisse et dedisse dilectis in Cristo filiis priori et monachis de Aera ecclesiam sancte Marie Magdalene de Wigehale in usus proprios perpetuo possidendam cum omnibus ad ipsam pertinentibus salva honesta et sufficienti sustentatione vicarii qui pro tempore in prefata ministrabit ecclesia quam vicariam per dilectum in Cristo filium magistrum Robertum de Bilneya fecimus taxari videlicet ut pro tempore vicarius habeat totum alteragium cum decimis minutis et decimis leguminum et medietatem decime feni Cetera omnia cedant in usus predictorum prioris et monachorum Volumus etiam ut pro tempore vicarius sustineat omnia predicte ecclesie onera ordinaria debita et consueta salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presenti scripto sigillum nostrum apposuimus Dat apud Elmhan manerium nostrum xv kalendas Ianuarii pontificatus nostri anno secundo