Charter Document - 03240039

Omnibus has litteras inspecturis Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa et religionis favore et ob venerationem beati Thome martiris et in memoria obitus nostri concessisse et dedisse priori et monachis ecclesie Cristi Kantuariensis ecclesiam de Dypeham cum omnibus pertinentiis suis ad sustentationem hospitum et peregrinorum in sollempnitatibus dicti martiris ad predictum monasterium confluentium in proprios usus perpetuo possidendam reservata honesta sustentatione vicarii qui pro tempore in prefata ministrabit ecclesia nobis et successoribus nostris per consilium nostrum et successorum nostrorum a predictis priore et monachis presentandi et a nobis instituendi Et ne inposterum a quoquam in dubium devocetur que pro tempore in predicta vicarii ministrantis debeat esse portio portiones singulas ad vicariam spectantes presentibus litteris duximus inferendas Habebit siquidem pro tempore vicarius prescripte ecclesie omnes obventiones alteragii ipsius ecclesie cum decimis provenientibus de campis qui vocantur Tweyt et de Sumercroft in parochia de Dypeham salvis decimis monachorum Norwicensium quas habent in predicto campo scilicet duabus garbis de septem acris de Tweyt Item habebit dictus vicarius duas acras terre iuxta cimiterium ecclesie de Dyeph ex parte orientali in quibus est situm vetus mesuagium quod predictorum prioris et monachorum Cantuariensium fuit et tres acras de libera terra ipsius ecclesie que se extendunt ex parte australi ecclesie versus austrum et sexdecim solidos annuos et quatuor denarios singulis annis a procuratore monachorum percipiendos insuper in eadem villa in festo sancti Michaelis in quorum solutione si cessaverint concesserunt dicti monachi quod per nos et successores nostros ad solutionem dicte pecunie appellatione remota canonice compellantur Sustinebit itaque vicarius qui pro tempore fuerit onera episcopalia et archidiaconalia consueta et salva in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis et decimis quas habent monachi Norwicenses in eadem parochia De provisione autem nostra et consensu monachorum ad reparationem et emendationem ornamentorum et utensilium dicte ecclesie volumus quod due partes a monachis inveniantur et tertia pars a vicario ita quod competenter et honeste dicta ecclesia deserviatur Ut hec autem nostra concessio et confirmatio rate et stabiles in perpetuum permaneant de consensu capituli nostri presens scriptum sigilli nostri munimine roboravimus Hiis testibus magistro Alano de Becles archidiacono Suthb tunc officiali domini Norwicensis magistro Roberto de Bilneh magistro Nicholao de Framingeham Henrico capellano Iohanne Terry Dionisio de Cotton Roberto de Ponte Tegle Willelmo de Fordeham