Charter Document - 03240038
| Charter Number: | 03240038 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quod presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos causa Dei et religionis favore et in honorem beati Thome martiris concessisse et in proprios usus contulisse priori et monachis ecclesie Cristi Cantuariensi ecclesiam de Depham cum omnibus ad eam pertinentibus ad usus hospitum et pauperum die solempnitatis prefati martiris Thome ibidem confluentium salva honesta sustentatione vicarii perpetui qui in eadem ministrabit ecclesia ad presentationem predictorum monachorum cum consilio nostro et successorum nostrorum pro tempore faciendam et a nobis et successoribus nostris instituendi et in prefata ecclesia ministraturi Ordinavimus autem in predicta ecclesia vicariam decem marcarum salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis et consuetis In cuius rei testimonium presentes literas fieri fecimus et sigillo nostro muniri Dat London pridie idus Februarii pontificatus nostri anno primo