Charter Document - 03240030
| Charter Number: | 03240030 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos causa Dei et religionis favore et assensu capituli Norwicensis concessisse et presenti carta nostra confirmasse dilectis filiis in Cristo abbati et conventui de Bello ecclesiam de Ixning nostre diocesis cum omnibus ad ipsam pertinentibus habendam in proprios usus et perpetuo possidendam post decessum Georgii Vercellens rectoris et Wydonis vicarii eiusdem ecclesie salva vicaria viginti quinque marcarum ad quam vicariam quotiens vacare contigerit nobis et successoribus nostris predicti abbas et conventus de Bello personam ydoneam quam nos et successores nostri voluerimus sine difficultate ac alicuius pravitatis ac contradictionis obstaculo presentabunt et nos et successores nostri libere et absolute auctoritate diocesana in vicaria predicta eundem instituemus et si dicti abbas et conventus omiserint vel neglexerint presentare nos et successores nostri ipsis irrequisitis vicarium instituemus ibidem salvis etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis vel consuetis Dictus autem vicarius omnia onera canonica prefate ecclesie sustinebit videlicet in procurationibus archidiaconorum et decanorum Dicti autem abbas et conventus omnes deffectus ecclesie predicte tam in libris quam in ornamentis ecclesiasticis quoad duas partes et vicarius quoad tertiam partem sustinebunt In cuius rei testimonium presentes literas fieri fecimus et sigillo nostro muniri Dat Lond septimo idus Octobris pontificatus nostri anno primo