Charter Document - 03240029
| Charter Number: | 03240029 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa et religionis favore concessisse et dedisse dilectis nobis in Cristo abbati et canonicis de Barl ecclesiam sancte Trinitatis de Bungeia habendam in proprios usus et perpetuo possidendam salva perpetua vicaria Ranulpho capellano quoad vixerit et aliis vicariis a nobis et successoribus nostris pro tempore instituendis qui in eadem ecclesia ministrabunt et omnia honora canonica sustinebunt ad quam vicariam quotiens vacare contigerit predicti abbas et canonici personam a nobis vel successoribus nostris quemcumque volumus nominandam nobis vel successoribus nostris presentabunt et ipsum presentatum admittemus vel si presentare omiserint personam a nobis vel successoribus nostris nominandam nos nichilominus personam quam voluerimus in predicta ecclesia instituemus Et ne futuris [temporibus] inter prefatos abbatem et canonicos et vicarium pro tempore dicte ecclesie super portionibus eisdem per nos assignatis oriatur dissensio ipsas portiones presentibus duximus distinguendas videlicet quod vicarius pro tempore habebit totum altaragium cum reditibus et fenis et lino et canabio et aliis minutis decimis ad altaragium spectantibus Idem vicarius habebit decimas garbarum de subscriptis terris provenientium videlicet de toto dominico Hugonis filii Radulfi scilicet novies xx acrarum et quatuor cum dote domine Agnetis quondam uxoris fratris ipsius Hugonis item decimas de terra Willelmi filii Reginaldi videlicet x acrarum item decimas de tota terra que fuit Willelmi Turkil videlicet xxiiii acrarum et omnia edificia remanebunt vicario exceptis uno placio versus austrum et dimidio orto Dicti autem abbas et conventus de Barl omnes decimas alias a prescripts cum decimis molendinorum et placium versus austrum et dimidium ortum ad edificia ibidem construenda habebunt salvis etiam in omnibus nobis et successoribus nostris reverentia et obedientia et sacrosancte Norwicensis ecclesie consuetudinibus debitis vel consuetis In cuius rei testimonium presentes literas fieri fecimus et sigillo nostro muniri Dat apud Berch octavo Idus Martii pontificatus nostri anno tertio