Charter Document - 03240026
Charter Number: | 03240026 |
---|---|
Cartulary Title: | Norwich 1215-1243 Volume 21 |
Charter Language: | Latin |
Charter Origin: | Religious |
Charter Type(s): | Confirmation |
Date: | 1221 - 1222 |
Date type: | Assigned |
Resource Link(s): |
|
Charter:
Universis presentes litteras inspecturis Pandulfus Dei gratia Norwicensis electus domini pape camerarius salutem in Domino Cum bone memorie Ricardus comes de Herford ius patronatus quod in ecclesia sancti Petri de Magna Walsingham habebat dilectis filiis priori et canonicis sancte Marie de Walsingham duxerit misericorditer concedendum nos concessionem ipsam ratam et gratam habentes eandem auctoritate presentium confirmamus et in huius rei testimonium has litteras nostras ipsis duximus concedendas