Charter Document - 03240012
| Charter Number: | 03240012 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1222 - 1226 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presentes litere pervenerint Pandulphus permissione divina Norwycensis episcopus salutem in Domino sempiternam Gratum obsequium et Deo acceptum totiens impendere opinamur quotiens mentes fidelium ad caritatis et devotionis opera excitamus ut exinde reddantur divine gratie aptiores De Dei igitur misericordia beate Marie virginis gloriose beatorum apostolorum Petri et Pauli atque sancti Thome martiris meritis confidentes omnibus parochianis nostris et aliis Cristi fidelibus de peccatis suis penitentibus et confessis quorum diocesani hanc nostram indulgentiam ratam habuerint qui altare sancti Thome predicti in prioratu Dovorr per pias elemosinarum elargitiones vel devotis precibus in honore Dei et ipsius martiris duxerint quandocumque visitandis viginti dies de iniuncta sibi penitentia misericorditer relaxamus Valete