Charter Document - 03240009
| Charter Number: | 03240009 |
|---|---|
| Cartulary Title: | Norwich 1215-1243 Volume 21 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1221 |
| Date type: | Internal, Calendar, Papal |
| Resource Link(s): |
|
Charter:
Pandulfus Dei gratia Norwicensis electus domini pape camerarius apostolice sedis legatus dilectis filiis priori et canonicis de Westacra salutem in Domino Cum vicariam de Sudcrec ad presentationem dilectorum filiorum prioris et monachorum de Castelacra contulerimus dilecto filio Iohanni iudicis de Urbe clerico qua vicaria Iacobum quondam clericum nostrum cui contuleramus eandem privavimus exigentibus culpis suis et pro multis excessibus quibus fuit in presentia nostra convictus nos eam prefatis priori et monachis ad firmam concessimus verumque vos sicut dicitur ipsius Iacobi procuratores fuistis monemus discretionem vestram districte vobis sub pena excommunicationis precipiendo mandantes quatinus dictos priorem et monachos occasione illius procurationis nullatenus molestetis nec aliquid exigatis ab ipsis nec ulterius de procuratione ipsa vos aliquatenus intromittatis Dat apud Gawde xii kalendas Maii