Charter Document - 03230133
| Charter Number: | 03230133 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Surrender |
| Date: | 1164 - 1171 |
| Date type: | Assigned |
| Resource Link(s): |
|
Charter:
R[ogerus] Dei gratia Ebor[acensis] archiepiscopus apostolice sedis legatus omnibus sancte matris ecclesie filiis salutem Noverit universitas vestra quod Guarinus et Alanus de Cotum reddiderunt in manu Iohannis archidiaconi de Notingham in presentia nostra in vigilia ascensionis Domini in aula nostra apud Beverlacum unam carucatam terre et Robertus clericus filius Maynardi dimidiam carucatam terre et Robertus filius Reginaldi dimidiam carucatam terre similiter reddiderunt eadem die et loco coram nobis in manu eiusdem archidiaconi liberas et quietas imperpetuum absque omni retentione rei vel iuris Quas terras tam Guarinus quam Alanus de Cotum et Robertus filius Maynardi et Robertus filius Reginaldi tenuerunt de Simone de Sigillo in Langetoft que erant de prebenda eiusdem Symonis in quam successit ei Iohannes archidiaconus Et quoniam dicta tenura predictorum de predictis terris videlicet Guarini Alani et utriusque Roberti enormiter dampnosa erat prebende ne quis decetero simile aliquid facere presumat sub anathemate prohibemus ne prefatus Iohannes archidiaconus vel aliquis successorum suorum de predictis terris vel de aliis que ad prebendam pertinent seu de ecclesiis ad eam pertinentibus in detrimentum prebende citra conscientiam nostram et auctoritatem vel successorum nostrorum ad quos ordinatio prebendarum spectat decetero aliquid facere presumat Testes autem redditionis predictarum terrarum hii sunt Gaufridus prepositus Beverlaci Ieremias canonicus Ebor[acensis] Symon Philippus canonici Beverlaci Willelmus Tellemire senescallus Robertus Stephani canonicus Suwelle magister Reinerus Emaldus frater archidiaconi et Alanus cocus eius