Charter Document - 03230132
| Charter Number: | 03230132 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 - 1181 |
| Date type: | Assigned |
| Resource Link(s): |
|
Charter:
Rogerus Dei gratia Eboracensis archiepiscopus apostolice sedis legatus universis sancte matris ecclesie filiis salutem Noverit universitas vestra nos concessisse et presentis carte testimonio confirmasse in liberam et perpetuam elemosinam ecclesie beati Osuualdi de Nostle et dilectis filiis nostris canonicis ibidem Deo servientibus prebendam unam quam habent in ecclesia beati Petri Ebor[acensis] cum omnibus pertinentiis et libertatibus suis quam predecessor noster Turstinus archiepiscopus eis prius dedit et concessit constat autem prebenda illa de ecclesia de Lith de ecclesia de Warham et de ecclesia de Brameham cum molendino eiusdem ville et terris et decimis Preterea concedimus concessimus et confirmamus predictis canonicis ecclesias quas habent in diocesi nostra scilicet de Wivertorp et de Warnefeld que ambe sunt de feodo beati Petri similiter de Booltona de Rowella de Bateleia de Huderesfeld de Wdekirka cum capella sua de Erdeslawe de Federstan de Felekirka de Addewic et medietatem ecclesie de Mekesburc de Chnaresburc et de villa de Tykehill cum capella sua de Staintona et capella Omnium Sanctorum de Scokirka et locum qui dicitur Canuntorp super Roder cum terris et decimis et omnibus pertinentiis predictarum ecclesiarum Hiis testibus []