Charter Document - 03230131
| Charter Number: | 03230131 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1164 - 1180 |
| Date type: | Assigned |
| Resource Link(s): |
|
Charter:
R[ogerus] Dei gratia Eborac[ensis] archiepiscopus apostolice sedis legatus omnibus audientibus et videntibus litteras istas salutem Notum sit vobis quod controversia que vertebatur inter Richardum priorem Neuburgi et Alanum canonicum Eboraci super capella de Amplefordia tali compositioni terminata est in presentia nostra et capituli Ebor[acensis] ipso capitulo assentiente et compositionem litteris suis confirmante Prior concessit predicto Alano capellam de Ampleford de ecclesia de Cucuwald tenendam per se et successores suos cum omnibus pertinentiis suis pro decem solidis annuatim reddendis prenominatis priori et successoribus suis ab Alano et ei canonice succedentibus medietatem ad festum sancti Michaelis et medietatem ad Pascha Retinuit autem prefatus prior sibi et successoribus suis ex hac conventione toftum unum ubi manere solebat presbiter Amfridus Devise quas in Ampleaford morientes fecerint Alani et capelle erunt vel quod pro celebratione exequiarum et missarum susceperint Alani et capelle erit Si quid vero moriens ecclesie de Cucuwald relinquere voluerit matricis ecclesie erit sicut hactenus consuetum fuit corpora vero omnia mortuorum ad matricem ecclesiam de Cucuwald sepelienda deferentur et postquam ea ad interitum cemiterii delata fuerint nihil de his que pro ipsis offerentur Alanus et successores eius exigere poterint Hiis testibus Clemente abbate sancte Marie Eborac[ensis] Cuthberto priore de Gisbrough et Alano Willelmo et Ranulfo canonicis de Gisb[urg]e Gregorio priore Brellinton et Engelb[erto] et Roberto canonicis Brellinton Simone canonico de Kirk[ham] Radulpho canonico capelle archiepiscopi Willelmo Tillem[ir] Allexandro capellano