Charter Document - 03230129

R[ogerus] Dei gratia Ebor[acensis] archiepiscopus apostolice sedis legatus omnibus successoribus suis et decano et capitulo Eboracensi universis sancte matris ecclesie filiis hanc cartam visuris vel audituris salutem Quantas bonitati divine gratias referre debeamus super hiis que ad honorem suum tempore nostro efficere dignata est breviloquio expedire non posset Inter que capellam quam sub nomine Beate et Intemerate Virginis Marie et Omnium Angelorum iuxta maiorem ecclesiam construximus et dedicavimus silentio preterire fas esse minime credimus in qua ut in eternum ad Dei honorem et successorum nostrorum gloriam et ob peccatorum nostrorum remissionem divina celebrentur proposuimus ut tresdecim clerici diversi ordinis ibi inperpetuum faciant mansionem et boris et matutinis et divinis iuxta constitutionem ecclesie beati Petri semper deserviant Horum autem quatuor esse sacerdotes decernimus quatuor diaconos quatuor subdiaconos et unum sacristam qui ad nutum archiepiscopi et arbitrium in hiis que intus agenda sint sedulus semper existat Ut autem ipsis necessaria non desint providimus tam ex largitione nostra quam quorundam fidelium unde inperpetuum sustentari possint de dono nostro medietatem ecclesie de Otteleye ecclesiam de Everton ecclesiam de Sutton cum capella de Scroby et ecclesiam de Hayton et ecclesiam de Berdeseye de dono Willelmi Scoty ecclesiam de Calverley de dono Willelmi Paynell ecclesiam de Hoton de dono Avicie de Rummilly ecclesiam de Harewod de dono Ade de Brus et Ivette uxoris sue de Arches ecclesiam de Thorp In hiis autem omnibus ita indempnitati nostre et successorum nostrorum et officialium providimus ut in ecclesiis que non sunt de dominio nostro in quibus nos et officiales nostri sinodalia et alia que ad nos vel ad ipsos de iure spectare noscuntur hactenus percipere solebant absque ulla contradictione libere percipiant reliquas vero ecclesias que sunt de dono et dominio nostro ita libere et quiete teneant sicut aliquem qui eas ante eos tenuerant liberius et quietius aliquando tenuerunt Statuimus autem ut nulli predictorum clericorum extra civitatem moram facere liceat si vero fecerit et ad commonitionem archiepiscopi redire noluerit liceat ipsi archiepiscopo alii eiusdem ordinis portionem eius qui remotus fuerit assignare qui assiduus secundum quod constitutum est in dicta capella deserviat Statuimus preterea ut unusquisque presbiterorum predictorum habeat per annum decem marcas unusquisque predictorum diaconorum habeat per annum centum solidos unusquisque predictorum subdiaconorum habeat per annum sex marcas argenti que omnia recipiant per manus sacriste quem constituimus predictorum omnium reddituum procuratorem Si vero redditus predictarum ecclesiarum non potuerint sufficere ad perficiendam summam unicuique per aliquam occasionem tunc detrahetur de unius cuiusque portionis quantitate ut decem marce remaneant sacriste Quando autem quantitas reddituum sufficere poterit ad perficiendam integre omnium portionum summam quod residuum fuerit cedet in usum sacriste Ut autem in omnibus honor ecclesie beati Petri conservetur volumus et precipimus quatenus predictus sacrista in Cella Domini sumptibus suis in hiis que ad canonicos matricis ecclesie scilicet beati Petri spectant tam in nebulis quam in vino cervisia et vasis et aqua ad ablutionem pedum canonicorum et clericorum pauperum ad opus eorundem pauperum decem solidos et ad victum eorundem pauperum scilicet sexaginta ea que necessaria sunt [inveniat] ut in omnibus fraternitas et unitas ecclesie conservetur Hiis testibus Roberto decano Hamone cantore magistro Gwydon[e] Radulfo archidiacono Iohanne archidiacono []