Charter Document - 03230124
| Charter Number: | 03230124 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1164 - 1181 |
| Date type: | Assigned |
| Resource Link(s): |
|
Charter:
R[ogerus] Dei gratia Ebor[acensis] archiepiscopus apostolice sedis legatus dilectis filiis Roberto archidiacono Carleol[ensi] decanis et omnibus clericis per archidiaconatum Carlolie constitutis salutem Domus hospitalis beati Petri cum omnibus ad eam spectantibus sub clipeo tuitionis nostre constituta esse dinoscitur eamque tueri et protegere specialiter tenemur Mandamus itaque vobis quatinus possessiones eiusdem domus quas in partibus vestris habere dinoscitur quantum in vobis est manuteneatis et protegatis et quotiescumque fratres eiusdem domus ad vos confugerint super aliquam querelam deposituri eos benigne audiatis et in iustitia sua foveatis et in necessitatibus suis promptum subsidium eis exhibeatis