Charter Document - 03230120
| Charter Number: | 03230120 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1154 - 1164 |
| Date type: | Assigned |
| Resource Link(s): |
|
Charter:
R[ogerus] Dei gratia Ebor[acensis] archiepiscopus archidiaconis decanis et omnibus parochianis suis salutem Credimus ad vestram satis pervenisse notitiam quam utilis et necessaria sit domus hospitalis sancti Petri Ebor[acensis] in suscipiendis hospitibus in Cristi pauperibus restituendis et fovendis et cum ex se ad tanta beneficia impendenda non sufficiat tum propter ipsius domus destructionem tum propter devastationem ipsius provincie universitatem vestram paterno commonemus in Cristo obsecramus et in peccatorum vestrorum [remissionem] iniungimus quatinus de vobis bonis a Deo collatis eis subveniatis et ad hospitalitatem sustinendam et edificia preparanda vestras illuc elemosinas per manus eiusdem domus fratrum transmittatis Nos autem Dei misericordia confisi omnes qui predicte domui aliquod pro Dei amore contulerint beneficium omnium orationum ac beneficiorum sancti Petri ecclesie participes esse concedimus et eis [de] iniuncta penitentia sua xi dies relaxamus et veniam aliorum episcoporum confirmamus