Charter Document - 03230119
| Charter Number: | 03230119 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1157 - 1164 |
| Date type: | Assigned |
| Resource Link(s): |
|
Charter:
R[ogerus] Dei gratia Ebor[acensis] archiepiscopus omnibus sancte matris ecclesie filiis per archiepiscopatum Ebor[acensem] constitutis salutem et Dei benedictionem Credimus satis ad vestram pervenisse notitiam quam utilis et necessaria sit domus hospitalis sancti Petri Ebor[acensis] in suscipiendis hospitibus in Cristi pauperibus et infirmis refovendis et cum ex se ad tanta beneficia impendenda non sufficiat tum propter ipsius domus destructionem tum ips ius provincie devastationem universitatem vestram paterne commonemus et in Cristo obsecramus et in peccatorum vestrorum remissionem iniungimus quatinus de bonis vestris prout vobis Deus inspiraverit misericorditer ei subveniatis ad hospitalitatem suscitandam et edificia preparanda vestras illuc elemosinas per manus eiusdem domus fratrum transmittatis Nos autem de Dei misericordia confisi omnes qui predicte domui aliquod beneficium pro Dei amore contulerit omnium orationum ac beneficiorum Ebor[acensis] ecclesie participes constituimus et de iniuncta sibi penitentia viginti dies relaxamus Omnes quoque illius possessiones iuxta quod in domini pape privilegio et eius legati pagina confirmantur et in beati Petri et nostram suscipimus protectionem