Charter Document - 03230105
| Charter Number: | 03230105 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1154 - 1157 |
| Date type: | Assigned |
| Resource Link(s): |
|
Charter:
Roger[us] Dei gratia Eborac[ensis] archiepiscopus R[oberto] decano et capitulo sancti Petri et omnibus parrochianis suis salutem et Dei benedictionem Ad episcopalem spectat sollicitudinem terras et possessiones ecclesiasticas et precipue religiosis domibus collatas pastorali cura defendere et auctoritatis sue pagina ad perpetuam stabilitatem roborare Hac itaque consideratione monasterio de Wyteby et monachis ibidem Deo servientibus ecclesiam de Atona cum capellis et omnibus ad eam pertinentibus et ecclesiam de Samara cum pertinentiis suis et ecclesiam de Kirkabi cum pertinentiis suis et ecclesiam de Hengelby cum pertinentiis suis salvo iure Ebor[acensis] ecclesie et episcopalibus consuetudinibus in perpetuam elemosinam confirmamus terram quoque de Westcroft cum heremitorio ex dono Alani Buscel et duas carucatas terre in Neuethon in Waldo ex dono Walt[eri] de Perci et duas bovatas terre in Uplith[um] et Sutfieling quam Rob[ertus] filius Will[elmi] coram me se abiurasse confessus est et liberam de se et de heredibus suis ecclesie de Wyteby reddidisse eadem auctoritate ecclesie supradicte confirmamus Hii sunt testes Osbertus archidiaconus Osb[ert]us Arrundel Iohannes filius Letho[l]d Turt dapifer archiepiscopi et multi alii