Charter Document - 03230090
| Charter Number: | 03230090 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 - 1181 |
| Date type: | Assigned |
| Resource Link(s): |
|
Charter:
Rog[erus] Dei gratia Ebor[acensis] archiepiscopus apostolice sedis legatus omnibus sancte matris ecclesie filiis salutem in Cristo Iesu Sciat universitas vestra nos presenti carta confirmasse abbati Ebor[acensi] et monachis Sancte Bege omnes ecclesias et capellas et decimas quas habent infra Cauplandiam cum omnibus terris et pertinentiis earumdem videlicet ecclesiam de Wirchintona capellam de Haveringtona capellam de Cliftona capellam de Laswater ecclesiam de Goseford ecclesiam de Comai ecclesiam de Botle ecclesiam de Witebec ecclesiam de Witingham capellam et decimas de Wedaker ad sustentationem domus Sancte Bege et monachorum usibus omnibus modis profuturas Concessimus autem eis ut ecclesia Sancte Bege libera sit et quieta in perpetuum tam a sinodo quam ab omni auxilio archiepiscopi et archidiaconi Insuper etiam potestatem dedimus predictis monachis Sancte Bege ut siquis clericorum suorum infra Cauplandiam redditum seu pensionem seu aliquod ius eis detinere presumserit libere eum constringant scilicet vel suspensione divini officii vel si causa poposcerit expulsione ecclesiastici beneficii Testibus hiis domino Gilb[erto] abbate de Selebia Rob[erto] decano et toto capitulo sancti Petri Ebor Will[elm]o Tillemir Rad[ulfo] capellano Alano de Pikeringe magistro Rob[erto] filio Steph[ani] Ada de Thomou et Gaufrido capellano