Charter Document - 03230086
| Charter Number: | 03230086 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1157 - 1158 |
| Date type: | Assigned |
| Resource Link(s): |
|
Charter:
R[ogerus] Dei gratia Eborac[ensis] archiepiscopus venerabilibus viris Gaufr[ido] decano totique capitulo Rothom[agensis] ecclesie salutem Bona que sancte ecclesie donatione regum vel largitione principum seu oblatione fidelium iuste noscuntur esse collata episcopali debent auctoritate confirmari ne de cetero aliquorum malignitate inpune possint auferri Hinc est quod medietatem de Killu[m] quam dominus noster illustris Anglorum rex Henr[icus] vobis et ecclesie vestre concessit et dedit inperpetuum possidendam cuius et alteram medietatem idem dominus noster venerabili fratri nostro Hug[oni] archiepiscopo vestro et ecclesie vestre perpetuo iure concessit tenendam vobis successoribusque vestris inperpetuum confirmamus sicut predictus dominus noster rex Henr[icus] eandem medietatem carta sua confirmat Prohibemus quoque ne quis ausu temerario antedictam possessionem vobis vel successoribus vestris presumat auferre vel aliquibus iniustis modis vos super eadem audeat vexare His testibus Will[elm]o cantore Barthol[omeo] archidiacono Rob[erto] magistro scolarum Toma de Renesvilla Will[elm]o Tosti Iohanne Letoldi