Charter Document - 03230072
| Charter Number: | 03230072 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1157 |
| Date type: | Assigned |
| Resource Link(s): |
|
Charter:
R[ogerus] Dei gratia Ebor[acensis] archiepiscopus omnibus sancte matris ecclesie filiis presentibus et futuris salutem in Domino Iustis postulationibus celerem debemus prebere assensum Inde est quod ad petitionem dilecti filii nostri Ade filii Suani donationem quam idem Adam fecit ecclesie sancte Iohannis de Pontefr[acto] et monachis Deo ibidem servientibus nos eam ratam habemus et attestamur et confirmamus Donavit vero et subiecit predictus Adam filius Suani predicte ecclesie sancti Iohannis de Pontefr[acto] ad religionem locum illum sancte Marie Magdalene de Lunda quem ipse ex consilio nostro in patrimonio suo fundavit ad opus monachorum qui ibidem Deo in perpetuum regulariter servient pro animabus patris sui et matris sue et sua et omnium successorum suorum Adam vero tunc prior de Pontefr[acto] eiusdem loci adquisitor et primus fundator cum a Pontefr[acto] discesserit in eodem loco de Lunda manebit quamdiu vixerit prior et custos domus Post cuius decessum prior de Pontefr[acto] et monachi eiusdem loci alios qui idonei sint in loco eius substituent Recipient vero monachi de Pontefr[acto] ab eodem loco de Lunda singulis annis in perpetuum unam marcam argenti nomine pensionis Hiis testibus R[oberto] decano Osberto archidiacono Willelmo cappelano Adam de Brodewrd Arnaldo Roberto Adam Greg[orio] capell de Pontefr[acto] Thoma senescallo monachorum