Charter Document - 03230066
| Charter Number: | 03230066 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 - 1181 |
| Date type: | Assigned |
| Resource Link(s): |
|
Charter:
[Rogerus] Dei gratia Eboracensis archiepiscopus apostolice sedis legatus omnibus sancte matris ecclesie filiis salutem Ex amministratione nobis a Deo commissa necessaria incumbit loca religiosorum fovere et eorum quieti Deo auxiliante prospicere Inde est quod locum sanctimonialium de Killinga cum universis donationibus quas Aliza de Sancto Quintino consensu et voluntate mariti sui Eustachii de Merc ex donatione matris sue Agnetis intuitu caritatis ei concessit nos sub beati Petri et nostra protectione suscepimus et eas iuxta quod in cartis Willelmi comitis Albemarlie et Ricardi de Sancto Quintino ac predicte Aliz continetur priorisse et sanctimonialibus eiusdem loci presenti carta in liberam et perpetuam elemosinam et quietam ab omni humano servitio preter exercitum regis et Danegeld confirmamus statuentes ut quascunque possessiones quecunque bona largitione fidelium iustis modis in futurum assequi poterint firma eisdem et illibata permaneant In quibus hec propriis duximus exprimenda vocabulis videlicet ecclesiam de Killinga cum omnibus pertinentiis suis salvo iure episcopali et duas carucatas et vi bovatas terre in eadem villa cum omnibus ad easdem pertinentibus in pratis pasturis et toftis et croftis et unum toftum ex occidentali parte nemoris sicut fossata ibidem ostendunt Si quis vero maligno instinctu iam dictum locum vel bona ad eundem pertinentia contra huius nostri decreti paginam vex are presumpserit districte ultionis severitate se noverit puniendum Hiis testibus []