Charter Document - 03230052

Ro[gerus] Dei gratia Eboracensis archiepiscopus apostolice sedis legatus dilectis filiis Symoni priori et canonicis de Lanrecost salutem Ex iniuncto nobis a Deo pontificatus officio tenemur iustis religiosorum virorum postulationibus assensum prebere et utilitati eorum in hiis que ad eos spectant attentius providere Ea propter religionis vestre fervorem attendentes divino amoniti instinctu et dilecti filii nostri R de Vall precibus inclinati concedimus et hac presenti carta vobis confirmamus quicquid iuste et canonice possidetis vel in posterum Deo favente adepturi estis et nominatim omnes terras et ecclesias quas R de Vall in vos contulit sicut in carta ipsius continetur scilicet landam de Lanrecost per divisas in carta ipsius R determinatas et villam de Walton per divisas [in carta] eiusdem R assignatas et ecclesiam de ipsa Walton cum capella de Treuerman et ecclesiam de Yrthyington et ecclesiam de Brampton et ecclesiam de Karlaton et ecclesiam de Farlam cum omnibus que ad easdem ecclesias pertinent Ex concessione et donatione Ade filie Willelmi Engayn et Eustachie xxx acras terre lucrabiles in marisco de Burch et duas acras in cretana terra in eodem marisco pasturam ad CC oves et duas salinas et unum rete liberum in Edena et ipsius retis siccationem liberam Apud Scaddebothes duas mansuras liberas ad bothas faciendas In Blenecreyc unam carucatam terre cum communi pastura eiusdem ville et tres marcas argenti in ecclesia de Burch et ecclesiam de Laysingby et ecclesiam de Grenesdale et terras cum pasturis et libertatibus et aisiamentis que in cartis predicte Ade continentur salvo iure diocesani episcopi Testibus hiis Willelmo cantore Ebor Iohanne archidiacono de Notingham magistro Vacario Radulfo capellano domini archiepiscopi Ebor Petro de Carcas[sona] et aliis