Charter Document - 03230040

R[ogerus] Dei gratia Ebor[acensis] archiepiscopus apostolice sedis legatus decano et capitulo Ebor[acensi] et abbatibus et prioribus de diocesi sua salutem Notum sit vobis quod Rad[ulfus] prior Gyseb[ume] et alii tres a nobis sententia notati in presentia nostra assidentibus nobis venerabili fratre nostro Alexi apostolice sedis legato et aliis autenticis viris ad demonstrationem innocentie eorum et destructionem rebellionis que eis imponebatur iuramentum prestiterunt quod contra archidiaconum nostrum Ieremiam volentem personam instituere in ecclesia de Levington contra conscientiam eorum et secundum quod eis videbatur iuste appellaverunt Et ideo sententia quam predictus archidiaconus in eos tulit post talem appellationem non detulerunt Iuramento vero prefato flexis genibus coram nobis petierunt ut si in eo facto vel in alio aliquo deliquerunt et paternitatem nostram offenderunt nos illud eis exint[egre] dimitteremus et eos inde absolveremus Nos vero ad hec respondimus ex parte Dei Omnipotentis si quid in hoc facto vel in alio contra nos commisistis ex integro vobis et dimittimus et vos inde absolvimus et sicut in plenitudinem gratie et amoris nostre pacis eos et ecclesiam eorum et omnes suos recepimus et si qua molestia vel infamia ex illo facto aliquomodo possit irrogari ex toto dimisimus et in perpetuum abolevimus Et hanc pacem sigilli nostri munimine confirmavimus Quare vobis mandamus ut in plena communione et gratia sicut et nos fecimus amodo recipiatis Valete