Charter Document - 03230009
| Charter Number: | 03230009 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1177 - 1181 |
| Date type: | Assigned |
| Resource Link(s): |
|
Charter:
Rogerus Dei gratia Ebor[acensis] archiepiscopus et apostolice sedis legatus omnibus officialibus suis et universis sancte matris ecclesie filiis salutem Universitati vestre significamus nos vidisse et inspexisse quandam compositionem factam inter ecclesiam de Begland et ecclesiam de Halmeby super decimis de Mortona in diebus Rogeri abbatis Begland cum assensu leremie archidiaconi de Cliveland sub isto tenore verborum Notum sit omnibus has lit teras lecturis vel audituris quod hec compositio facta est inter ecclesiam sancte Marie de Begland et ecclesiam de Halmeby in diebus Rogeri abbatis et Ieremie archidiaconi de Cliveland et Rob[erti] decani de Helm[es]l et Alexandri decani quod ecclesia de Begland reddet annuatim ecclesie de Halmeby pro decimis de Mortonia viginti solidos decem ad Pentecost[en] et decem ad festum sancti Martini Hiis testibus Ieremia archidiacono Roberto decano Alexandro decano Radulf[o] capellano archidiaconi Ricardo clerico de Scalton et toto capitulo de Cliveland Quam quidem compositionem pro nobis et successoribus nostris acceptamus approbamus et presentis scripti munimine inperpetuum confirmamus Hiis testibus Roberto decano Hamone cantore magistro Widonek Radulf[o] archidiacono Ieremia archidiacono Gilb[er]to abbate de Seleby Ricardo priore de Novoburgo Rob[erto] preposito Beverlac Steph[ano] canonico Ad[amo] de Thorn