Charter Document - 03230008
| Charter Number: | 03230008 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1177 - 1181 |
| Date type: | Assigned |
| Resource Link(s): |
|
Charter:
Rogerus Dei gratia Eboracensis archiepiscopus et apostolice sedis legatus omnibus successoribus suis et universis sancte matris ecclesie filiis salutem Universitati vestre significavimus nos cum assensu et voluntate decani et capituli beati Petri Ebor[acensis] suscepisse sub libertate et protectione beati Petri et nostra ad manutenendam dilectis filiis nostris monachis de Beghelande suisque successoribus donationem quam illustris vir Rogerus Molbray fecit eisdem monachis de tota villa Beghlande cum omnibus pertinentiis suis et de ecclesia eiusdem ville cum eius pertinentiis Hec Rogerus in presentia nostra carta sua confirmavit in perpetuam elimosinam pro salute anime sue et omnium suorum Quare prohibemus sub anathemate ne quis supradictam donationem et confirmationem temerario ausu infringere seu aliquo modo perturbare presumat Quoniam sicut idem illustris vir predictam donationem antedictis monachis suisque successoribus in perpetuam elemosinarn dedit ita nos eam approbamus et ecclesiam eiusdem ville de Beghland cum omnibus suis pertinentiis antedictis monachis suisque successoribus in proprios usus concedimus ac ab omni iure episcopali liberam decemimus et in perpetuum confirmamus His testibus Roberto decano Hamone cantore magistro Widone Radulfo archidiacono Gilberto abbate de Selby Roberto preposito Beverlaci Alano canonico magistro Maynardo Stephano canonico Geroldo Thoma Paulo magistro Alano de Pikering