Charter Document - 03230006
| Charter Number: | 03230006 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 - 1181 |
| Date type: | Assigned |
| Resource Link(s): |
Reference Document for this Embedded Document |
Charter:
R[ogerus] Dei gratia Ebor archiepiscopus apostolice sedis legatus universis sancte matris ecclesie filiis hanc cartam visuris vel audituris salutem Quia cura pastoralis nos ammonet pia vota fidelium benigno favore conservare et eorum donationes iustas pontificalis scripti auctoritate roborare donationem quam Willelmus de Heriz hospitali de Bradbusk pro caritatis intuitu fecisse dinoscitur et carta sua confirmasse presenti scripto duximus confirmandam arctius inhibentes ne quis fratres prescripti hospitalis super hiis que in prescripta carta sunt Willelmi de Heriz quam idem fratres habere noscuntur vexare presumat Hiis testibus Iohanne archid[iacono] Not magistro Vacario Rad[ulf]o capellano Andrea canonico Suelle Adam de Torn Reginald[o] Arund magistro Gil Rad[ulf]o de Wygent Laur[entio] magistro Alano canonicis Suelle Simone de Patrington