Charter Document - 03230005
| Charter Number: | 03230005 |
|---|---|
| Cartulary Title: | York 1154-1181 Volume 20 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1164 - 1181 |
| Date type: | Assigned |
| Resource Link(s): |
|
Charter:
R[ogerus] Dei gratia Ebor[acensis] archiepiscopus apostolice sedis legatus omnibus sancte matris ecclesie filiis hoc scriptum visuris vel intellecturis salutem et benedictionem Noverit universitas vestra nos intuitu karitatis et pietatis indulsisse priori et monachis sancte Marie Blide ut cum ecclesie sue de Weston et de Elleton vacaverint liceat eis in proprios usus eis convertere salvo episcopali iure in omnibus Et insuper confirmavimus eis donationem quam Fulco de Lisoriis illis dedit scilicet unam quadrigarum de ligno cotidie in Bilaia et multuram de Plumtre que pertinet ad socam de Harewrd et unam quadrigarum de genesta ex donatione Iohannis constabularii Cestrie Qui autem hanc paginam nostre indulgencie et confirmationis ausu temerario violare presumpserit sciat se excommunicationis sententiam incurrisse Et ut ista confirmatio rata et inconcussa permaneat eam presenti scripto et sigilli nostri appositione roboravimus Hiis testibus []