Charter Document - 03224347
| Charter Number: | 03224347 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Willelmus de Henred concessi et dedi deo et ecclesie sancte Margarete de Pohhel et canonicis ibidem deo servientibus totam decimam molendini mei de Henred cum tota decima feni tocius terre mee de Henred percipiendas et habendas predictas decimas in liberam puram et perpetuam elemosinam et quietam ab omni exactione et servicio seculari Hanc autem donacionem feci pro salute mea et meorum et pro animabus antecessorum et successorum meorum Ut autem hec mea donatio firma et stabilis permaneat presenti carta et sigilli mei impressione signata ipsam confirmavi Hiis testibus Philippo sacerdote magistro Roberto de Thaicham Roberto Foliot Roberto clerico de Muchesdura Philippo de Huertrugg Willelmo de la Putte Willelmo de Sumerseta et multis aliis