Charter Document - 03223346
| Charter Number: | 03223346 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1222 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Radulfus de Chadelwrde concessi et dedi deo et ecclesie sancte Margarete de Pochh et canonicis ibidem deo servientibus terram extra virgultum illorum ad latitudinem versus orientem octo perticarum et in longitudine a mara ipsorum canonicorum usque ad viam sub Pochh que dicitur Eldestreth habendam et tenendam ad frangendum in liberam puram et perpetuam elemosinam Preterea concessi dictis canonicis pro pastura boum pertinente ad predictam domum et ad ecclesiam de Chadelwrde [ut habeant] viginti octo animalia et quatuor caballos vel quatuor boves loco eorum omni die per annum quando voluerint in bosco meo qui est coram eorum porta et quando voluerint in omnibus aliis locis cum meis preterquam in [Haycrofte] Et pro pastura ovium pertinente ad predictam domum et ecclesiam concessi eis ut habeant ducentas oves in omni loco cum meis Ut autem hec mea donatio et concessio firma et stabilis permaneat presenti carta sigilli mei impressione signata confirmavi Hiis testibus Waltero priore de Sandelford Michaele de Baggenore Iohanne persona de Sifford Thoma Ruffo Roberto de Sortecumbe Nicholao fratre suo Andrea cappellano Rad[ulfo] cappellano Willelmo de Graftun Roberto de Pochh Petro sumenur et multis aliis