Charter Document - 03221383
| Charter Number: | 03221383 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1142 - 1184 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Willelmus dictus decanus Sar salutem in domino Ad universitatis vestre noticiam cupimus pervenire nos divine caritatis intuitu concessisse dilecto capellano nostro Willelmo de Mera vicariam ecclesie de Sunnig vacantem quam Vitalis olim vicarius eiusdem ecclesie tenuit que quidem taxata fuit a tempore bone memorie Iocelini Sar episcopi hoc modo scilicet omnes obventiones altaris et decimationes lini lane et casei et secunda divisa pro quibus idem Vitalis solebat reddere nobis et antecessoribus nostris decem solidos annuos Ad hec insuper ad augmentum eiusdem vicarie et ut idem Willelmus secum teneatur habere capellanum idoneum nobis presentandum qui una cum eo in ecclesia de Sunnig in propria persona ministret concessimus eidem omnes decimationes agnorum vitulorum porcellorum pullorum et aucarum exceptis decimis pullorum siqui provenerint ex equitio domini episcopi Sar apud Sunnig Ad dicte etiam vicarie augmentum donavimus eidem Willelmo decimam garbarum provenientium de dominico nostro de Sunnig quod quidem tunc temporis fuit dominicum quando sepedictus W primo fuit institutus ad dictam vicariam Insuper ad sepedicte vicarie augmentum remisimus sepedicto W decem solidos quos Vitalis olim vicarius de Sunnig solebat reddere annuatim pro sua vicaria de Sunnig Preter predicta etiam concessimus eidem fenum quantum sufficiet ad sustentationem unius equi per annum Et ut hec nostra donatio et concessio perpetue firmitatis robur optineat presenti scripto sigillum nostrum duximus apponendum Hiis testibus Iohanne de Waude et Ricardo de Haveringes canonicis de Hethedeburi Iohanne Hyllar Iohanne de Glasn et Ricardo Bacun clericis Henrico de Waud Roberto fratre eius Willelmo de Vitheham et Hugone clerico nostro qui hanc cartam scripsit et multis aliis