Charter Document - 03221351
| Charter Number: | 03221351 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit Lucas sancte Marie Sar canonicus salutem in domino Noverit universitas vestra me caritatis intuitu concessisse quantum ad me pertinet Ricardo capellano de Blebur omnes obventiones altarium ecclesie de Blebur et capellarum de Optun et Eston et omne legatum preter illud quod specialiter ecclesie fuerit legatum et omnes minutas decimas ad eas pertinentes videlicet lanam agnos caseum et omnes alias minutas decimas de animalibus provenientes percipiendas et habendas omnibus diebus vite sue exceptis decimis trium domorum quas excipio scilicet omnes decimas de domo domini abbatis de Rading Andree Basset Osberti Turpin et excepto omni genere bladorum et leguminum et feno quod similiter excipio Concedo etiam eidem Ricardo illam domum cum curtillag[io] quam Gerardus capellanus aliquando habuit iuxta cimiterium Debet autem dictus R invenire secum unum capellanum ad deserviendum dicte ecclesie et capellis et omnia onera tam ecclesie quam capellarum sustinere Hanc autem concessionem sigilli mei munimine roboravi