Charter Document - 03221347
| Charter Number: | 03221347 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus ad quos presentes littere pervenerint Rad[ulfus] de Cadelewurd salutem Universitati vestre notum facio quod ego divini amoris intuitu quantum in me est dedi et concessi deo et beate matri sue et sancte Margarete de Clanfordesmere et fratribus ibidem deo servientibus in liberam et puram et perpetuam elemosinam ecclesiam de Chadelewurd cum capella de Wulvelei et omnibus aliis pertinenciis suis in bosco et plano in pascuis et pasturis et libertatibus et consuetudinibus suis sicuti ipsam unquam aliquis liberius aut melius vel plenius tenuit ita ut nullum seculare servitium pro ipsa faciant preter denegeldam pro hida terre que ad ipsam pertinet pro animabus dominorum meorum Reginaldi et Bernardi de Sancto Walerico et antecessorum et liberorum meorum et pro salute mea et meorum Ut autem hec donatio mea et concessio firma permaneat ipsam scripti presentis munimine et sigilli mei appositione confirmavi His testibus magistro Roberto filio meo primogenito et Rogero et Ricardo filiis meis Amulfo presbitero de Sipford Roberto de Sortescumba Galfr[ido] de Weliford Giliberto et Willelmo et Osberto filiis suis Osmundo de Harewell Roberto et Rad[ulfo] de Harewell et multis aliis