Charter Document - 03221323

Omnibus ad quos presens scriptum pervenerit Adam et Iordanus de Waverleye et de Dereford abbates salutem in domino Scire volumus universos nos de communi partium assensu et voluntate scilicet venerabilis patris Ricardi Sar episcopi et procuratoris capituli eiusdem loci magistri Abrahe thesaurarii Sar ex una parte et Iohannis Walensis procuratoris abbatis et conventus Malm[esbir] ex alia ad componendum datorum providisse auctoritate domini pape Honorii tertii qua fungimur quod instrumenta episcopi et capituli Sar scilicet carta regis Henrici primi et confirmatio domini pape Honorii secundi et si quod aliud habeant speciale instrumentum super subiectione monasterii Malm[esbir] in ecclesia de Cyrencestr custodienda deponantur Si vero dominus papa hanc provisionem nostram iudicialem approbaverit et confirmaverit dicta instrumenta monasterio Malm[esbir] sine difficultate reddantur Si autem dicta provisio sine confirmatione domini pape stare possit in dicto monasterio perpetuo custodiantur ut si ea aliquo casu a domino papa vel ab alio fuerit irritata dicta instrumenta ecclesie Sar sine difficultate restituantur Et si forte aliquo casu deperdita fuerint vel consumpta et provisio predicta quod absit irritata vel controversia ex parte abbatis et conventus de Malmesbir fuerit suscitata tunc eorum exemplata que penes nos retinemus ecclesia Sar ad sui defensionem vel pro iuris sui tuitione libere et sine calumpnia recipiat nullo hiis casibus predictis preiudicio imminente monasterio Malmesbir quin manerium de Hyweie et ius patronatus ecclesie de Bremel et carte super eisdem episcopo et ecclesie Sar confecte dicto monasterio reddantur partibus in hoc convenientibus et nobis id ipsum approbantibus propter casus fortuitos et protestantibus quod predicta exempla sive exemplata signis nostris et aliarum autenticarum personarum appensis omnem eandem vim et auctoritatem habitura que ipsa autentica originalia interim penes nos remaneant fideliter custodienda