Charter Document - 03221270
| Charter Number: | 03221270 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1206 - 1221 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Ricardus archidiaconus Wilthesyr rector ecclesie de Caln et ego Fulco Bassett rector ecclesie de Winterburn compromisimus in venerabilem patrem nostrum Ricardum Sar episcopum super omnibus que coram viris venerabilibus de Syreburn et de Enedewell prioribus et domino Philippo de Luci iudicibus a domino papa delegatis inter nos deducta erant in iudicium tam super possessione quam super proprietate decimarum et obventionum ville de Berewiche et capelle ibidem erecte exceptis decimis de dominico Sub hac forma compromisimus in dictum episcopum videlicet quod facta coram eo litis contestatione sine subterfugio testibus utriusque partis tam super possessorio quam super petitorio diligenter examinatis et publicatis attestationibus quicquid dictus episcopus super predictis statuerit nos ratum habebimus et gratum ita quod F super possessorio R archidiaconus super petitorio actor constituatur Pars vero que ab arbitrio resilierit xl marcas nomine pene parti adverse persolvet reservata iudicibus de consensu nostro potestate compellendi per excommunicationis sententiam partem recedentem ad solutionem dicte pene retenta quoque iudicibus potestate confirmandi quod fuit arbitratum et procedendi in causa cum pena fuerit commissa et soluta Et ad maiorem compromissionis nostre firmitatem sigilla nostra huic scripto apposuimus Valete