Charter Document - 03221268
| Charter Number: | 03221268 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1217 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Maria dei gratia abbatissa ecclesie Sancti Edwardi eiusdem que loci conventus salutem in domino Noverit universitas vestra nos divine pietatis intuitu interveniente etiam capellanorum nostrorum assensu dedisse et concessisse in puram et perpetuam elemosinam ecclesie beate Marie de Briwton et canonicis ibidem deo servientibus tria sextercia frumenti vanati que Thomas Janitor firmarius noster de Comba et heredes sui eisdem canonicis singulis annis in perpetuum solvent infra festum sancti Andree et Natale domini de uno modio frumenti quod nobis annuatim solvere tenebantur Predictus vero Thomas et heredes sui vehiculo suo singulis annis predictum bladum predicto termino portare facient ad granarium predictorum canonicorum et tale bladum illis liberabunt quale pacare nobis solent in granario nostro de Sancto Edwardo Ut autem hec nostra donatio ac concessio perpetue firmitatis robur optineat nullaque pravorum machinatione valeat in posterum infirmari eam presenti scripto sigillorum nostrorum appositione roborato communivimus Hiis testibus Iohanne de Essemere magistro Gregorio W Lent capellanis ecclesie nostre Guidone de Osteili Henrico de Culmeton Samsone Galfr[ido] Roberto clericis Ingerando coco R camerario R de Teukebur []