Charter Document - 03220389
| Charter Number: | 03220389 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1222 - 1228 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricardus divina miseratione Sarr ecclesie minister humilis salutem in domino Noverit universitas vestra quod cum controversia mota esset inter magistrum Willelmum de Mereton archidiaconum de Berksir ex una parte et Ricardum abbatem et conventum de Walth[am] ex altera super procuratione ecclesie Veteris Windesor quam idem archidiaconus ratione visitationis ab ea petebat tandem utraque pars super hoc nostre se supposuit ordinationi ita quod id quod a nobis super hoc esset provisum et tam nostra quam capituli nostri auctoritate confirmatum inter archidiaconum de Berksire et domum de Walth[am] perpetuum robur haberet firmitatis Nos igitur suscepta in nos predicta provisione ordinavimus quod vicarius pro tempore ecclesie Nove Windesores quandam summam pecunie videlicet xv solidos solvat annuatim predicto archidiacono et e ius successoribus imperpetuum nomine procurationis de portione sua quam habet in dicta ecclesia ita quod utraque ecclesia videlicet Nove et Veteris Windesor[um] decetero per hoc libera et quieta sit a procuratione debita archidiacono ratione visitationis exceptis predictis xv solidis Et ut hec nostra ordinatio in perpetuum rata et inconcussa permaneat eam de communi assensu capituli nostri partibus approbantibus sigillo nostro una cum sigillo capituli nostri duximus confirmare Confectaque sunt super hoc scripta duo eiusdem tenoris quorum alterum residet penes predictum archidiaconum reliquum penes predictos abbatem et conventum de Walth[am]