Charter Document - 03220380

Omnibus Cristi fidelibus ad quos presens scriptum pervenerit Ricardus miseratione divina Sar ecclesie minister humilis salutem in domino Sciatis nos de assensu et voluntate W decani et capituli nostri Sar concessisse quod Hugo de Sanford et heredes sui in perpetuum nobis et successoribus nostris presentent clericum idoneum ad ecclesiam de Blebir quotiens vacaverit quem ad eorum presentationem admittemus et instituemus qui erit canonicus Sar de ipsa ecclesia de Blebir et habebit stallum in choro et locum in capitulo quem habere solebat canonicus de Merleberg et de Blebir Nos autem omnibus impetratis et impetrandis contra hanc concessionem in perpetuum pro nobis et successoribus nostris de assensu predictorum decani et capituli renuntiamus Nos etiam de ecclesiis de Merleberg videlicet ecclesia sancte Marie et ecclesia sancti Petri et ecclesia de Prestchet cum omnibus pertinentiis libertatibus et liberis consuetudinibus earundem et de terra et de redditu de Ofcot quem canonicus de Blebir et Merleberg consuevit habere que terra et redditus cum predictis ecclesiis de Merleberg ad nostram spectant donationem ordinabimus pro voluntate nostra in perpetuum absque aliqua reclamatione vel contradictione predicti H vel heredum suorum Et preterea sciendum est quod si ipsi Hugoni expediat quod nos et capitulum nostrum aliam securitatem ei faciamus qualemcumque ei possimus honeste facere eam arbitrio bonorum virorum faciemus Et in huius rei robur et testimonium presenti scripto sigillum nostrum et sigillum capituli nostri sunt apposita Hiis testibus Ricardo thesaurario Wellen[si] magistro H de Grenef[ord] Rogero capellano et Gileberto canonicis Wellen[sibus] Iohanne de Sanford Waltero de Verdun Galfr[ido] de Budeford Alberico forestario Rad[ulfo] de Verdun Ada de Periton Philippo Luvel Henrico clerico Ricardo filio Willelmi et multis aliis