Charter Document - 03220379

Omnibus sancte matris ecclesie filiis ad quos presens carta pervenerit Ricardus divina permissione Sar ecclesie minister humilis salutem in domino Scire volumus singulos et universos quod nos de assensu et voluntate Willelmi decani et capituli Sar ad honorem et utilitatem ecclesie beate Marie Sar dedimus et hac carta nostra confirmavimus liberis civibus nostris de nova civitate nostra Sar quod de nobis et successoribus nostris teneat unusquisque suum liberum tenementum in civitate predicta ita videlicet quod presenti ballivo nostro liceat ipsis et heredibus suis tenementum suum dare vendere vel obligare cui voluerint preterquam ecclesie et domibus religiosis Volumus insuper quod unusquisque honorifice libere quiete et pacifice teneat de nobis et successoribus nostris suum tenementum scilicet placeam vel placeas similiter et heredes sui reddendo nobis et successoribus nostris xii denarios ad duos terminos annuatim scilicet ad Pascha vi denarios et ad festum sancti Michaelis vi denarios pro omnibus servitiis et demandis Continet autem placea in longitudine vii perticas in latitudine vero tres perticas ita ut unusquisque qui tenet plenam placeam reddet annuatim xii denarios ad predictos terminos et qui plus vel minus tenuerit secundum eandem quantitatem predictam inde nobis et successoribus nostris respondebit Et ad maiorem huius nostre concessionis securitatem huic carte sigillum nostrum apponi fecimus Hiis testibus [Willelmo decano Sar Rogero precentore Roberto cancellario Edmundo thesaurario magistro Elia de Derham magistro Roberto de Bingham magistro Luca Valentino canonicis Sar Hugone Drueis Willelmo Cuthberti Ricardo de Grymstede militibus et multis aliis] Actum fuit hoc pontificatus nostri anno octavo octavo kln Aprilis qui fuit annus nonus regis Henrici tertii